منتديات شبكة الإقلاع ®

منتديات شبكة الإقلاع ® (http://www.vb.eqla3.com/index.php)
-   Western Art TV (http://www.vb.eqla3.com/forumdisplay.php?f=189)
-   -   مميز || ● Game of Thrones S08 || #ForTheThrone ● (http://www.vb.eqla3.com/showthread.php?t=1537242)

كولد0 13-05-2019 08:27 PM

رد : ● Game of Thrones S08 || #ForTheThrone ●
 
الموسم بدا في تخبط وقلنا لعلهم يرقعون التخبط
لكن للاسف استمر التخبط لحد الحلقه ٥
المسلسل اكبر منهم للاسف. الحين سيرسي تموت بالشكل هذا! لا وتبكي وكأنها ماهي عارفه ان داني عندها تنين وممكن تحرقهم، قلبتهم على داني وتحويلها شريره في يوم وليله ما ركب معهم. ما عندي مشكلة انها تكون شريره بس اعمل حبكه وخط احداث يغير شخصيتها بشكل مقنع. تم افساد اعظم مسلسل من ديفيد و دانيال

K O Y A 13-05-2019 10:57 PM

رد : ● Game of Thrones S08 || #ForTheThrone ●
 
-دمآرلاندنقز-
طول الحلقه وأنا أقول وين شطارة داني والتنين بالحلقات اللي قبل !
الحلقه جميله وَ مُمتعه ك تصوير ومشاهد وأحاسيس بس القصه فعلًا دحدرت إلى منحنى أخر ..
م فيه شي أقوله لان بإختصار خلآص الحلقه صارت وماراح شي يتغير لكن فعلًآ تحمست يرجع الكتاب أكثر لأني متأكد أشياء كثيره بتكون مُختلفه ..
بوق التنين اللي كنت أنتظره بفارغ الصبر طلع خرطي .. سيرسي وين خبثها وذكائها ؟ دآني بغمضة عين أستخفت ؟ جون ! حرفيًا م عندي شي أقوله عن جون الا إنه كان كومبارس لا أكثر .
كلام المنتجين بنهاية الحلقه فعلًا فعلًا م عندهم سالفه وإلا يبون يبررون بكل شي سووه بأي طريقه ..
أجمل شي سووه وحابه هو مشاهد أريا من حلقة المايت كنق الى الأن .. فعلًا حلوه مشاهدها وحنا نشوف كل شي معها .. أبدعو بهالنقطه ..
بالمُناسبه .. كثير يختلف معي ومدري ليش مع إنه واضح .. لورد فارس يومه يسولف مع البزره بداية الحلقه .. هي قالت باقي ماتاكل قال هو بنحاول مره ثانيه .. اعتقد واضح انه كان حاط سم بالأكل ؟
إلحين داني عيونها خضر ولا بنفسجيه :) ؟

برستيج91 14-05-2019 12:53 AM

رد : ● Game of Thrones S08 || #ForTheThrone ●
 
حلقة جميلة وتعبتر افضل حلقة في هذا السيزون

اول شي مشهد إعدام فاريوس :eq-39: حزنت مره علييه وعلى موتته ونظرات جون سنو ل داني كانه يقول يامجنونة مو كذا :eq-19:

و حوار جيمي وتريون :eq-39: بكااااني واضح انه كان الوداااع

ومشهد جنون داني يوم دمرت الكينق لاندنق مخييييييف جداً وفعلا صارت الملكة المجنونه وحس جون السنو ان ارتكب غلط كبير :eq-19:

وموت جيمي وسيرسي مع بعض درااامي مع ان كان ودي انها تنجلد عدل :eq-118:

واجمل واحلا مشهد في الحلقة والسيزون كله ويعتبر من اجمل مشاهد المسلسل بعد لقاء الاخواااان الهاوند والماونتن رهيييب رهييييب


ننتظر الحلقة الاخيرة وان شاءلله تكون على مستوى المسلسل
واضح ان جون سنو عرف انها مجنونة بنت مجنون

واريا بعد شكلها ماراح تسكت لها

brlent 14-05-2019 02:01 AM

رد : ● Game of Thrones S08 || #ForTheThrone ●
 
المسلسل جميل دا الموسم و ماكان عندي ملاحظات الا على نهاية الحلقة السابقة +
حلقة اليوم حاولو يقنعو المشاهد ان داني مجنونة بأي طريقة
مافي مبرر مو شخصيتها اللي نعرفها
اتوقع واضح من صاحب العيون الخضراء التي ستغلقها اريا بنت ستارك

nween90 14-05-2019 02:35 AM

رد : ● Game of Thrones S08 || #ForTheThrone ●
 
اول مره اعلق هنا
بس مادري ليه الكل مستغرب جنون داني ؟
شخصيتها من اول موسم فيها نزعه جنون وتهور بس كان حولها ناس ينصحونها
داني من اول موسم اي احد يوقف بوجهها او ياذيها تنتقم منه ابشع انتقام
كمثال اخوها والساحره اللي قتلت الكال والدوثراكي اللي تخلو عنها
وكل ماراحت مكان احرقت لها كم واحد
تبونها ماتحرق الكنقزلاندنق اللي من اول موسم وهي ناويتهم بشر
هاذي اساس اللانستر اللي خانوهم ابشع خيانه
فكيف ماتبونها تحرقهم ؟ ناس قتلو ابوها وشردوها واخذو الحكم غدر
قتلو تنينها ومساعدتها طبيعي ان الجنون اللي كان فيها من اول بيتفجر
وقتلها للابرياء كان عندها اهون للانتقام من انها تخلي اي جندي وموالي للانستر
الموسم هذا على عيوبه الكثيير
لكن شخصيات زي اريا سانسا وداني كملو بنائها صح وشفنا تطورها
عكس جون وتيريون اللي دمروهم هالموسم تماما
وجيمي يعني تبنون له شخصيه ثانيه ومسار ثاني وترجعونه لنقطه الصفر ؟
ع الاقل كان خليتوه انجن من زود حب سيرسي وقتلها وقتل نفسه ويصير قاتل الملك والملكه صح 😖
كل شي صار بهالحلقه ممكن ابلعه الا موتته سيرسي
الواحد مايدري وش يقول صراحه عن هالغباء اللي سووه

مطر وغيم 14-05-2019 03:27 AM

رد : ● Game of Thrones S08 || #ForTheThrone ●
 
قفلت الحلقة بكلمة wow
الساوند والتصوير ي جماعة يجنن وقليلة عليه هالكلمة
مشهد اعدام فاريوس وظهور التنين
مشاهد اريا كلها رائعة من امتنانها لساندور الى ركوبها الخيل..
حوار تيريون وجيمي :eq-39:
نظرة تيريون يوم بدت داني تحرق:eq-35::eq-35:
مشهد قتال الأخوة بيرفكت

طبعا سلبية جون ونهاية سيرسي لاتعليق

وَهَج المِشاعِر ! 14-05-2019 04:06 AM

رد : ● Game of Thrones S08 || #ForTheThrone ●
 
إقتباس:

الرسالة الأصلية كتبت بواسطة انا شخصيا (مشاركة 51496577)
المفروض استسلام المدينة يخليها تهدا مو تنجن !! ..

بس لاااا كيف بنبرر انقلاب جون وتيريون عليها وموتها المحتمل الحلقة الجاية!

لازم ما نخليلها أي عذر :eq-13: لو استسلمت المدينة بتصير معذورة :eq-13:

طيب تروح مباشرة لعند سيرسي وتحرق بس الريد كيب ! لا لازم تحرق كل الناس في الطريق ..

ليش؟ والله ما ندري !! :eq-87: بس نبيها تصير شريرة قدر المستطاع pb192







صايرين روميو وجولييت اللي ماتوا في سبيل حبهم :eq-73:

والله أسخف نهاية ..

ما استفدنا شي من تغير شخصية جيمي ولا بردوا قلبنا في نهاية سيرسي ..

بل خلوها هي الضحية والا غصب يبونا نتعاطف معها !!



رتويت
مالي خلق اكتب لكن اتفق بكل حرف
ولا اسوي نفسه محنكه ولاني مع موجة الانتقاد
لكن حرفياً اسبابهم سخيفه لجنونها وحده حررت العبيد تروح تقتل شعب بريء! وهم مستسلمين! سلامات اذا بتخلونها مجنونه خلو الجنون واقعي عالاقل

أنجلترا 1966 14-05-2019 04:33 AM

رد : ● Game of Thrones S08 || #ForTheThrone ●
 
أنا عن نفسي عجزت حتى أكمل الحلقة (من الإحباط)، وقفت وباقي 15 دقيقة عالحلقة..
يا ناس أنتوا مستوعبين كيف تم تدمير شخصية دينيريس؟! عمل السنين في كتابة هالشخصية وغيرها كله "بح" بحلقتين..
ما عندي أي مشكلة إنه دينيريس تتحول لـ"ماد كوين" وتطلع بنت أبوها فعلاً، لكن عطني سبب يحترم عقلي كمشاهد.. !؟
بداية الحلقة تعترف لتيريون إنه سكان كينقزلانديغ رهائن عند سيرسي وتوافق بوقف الهجوم إذا سمعت الجرس، فجأة وبنفس
الحلقة وبعد فوز سهل وبدون خسائر من جيشها ولا سكان المدينة، تسمع جرس "النصر" لكنها تفضل تحرق المدينة بالكامل
رجال نساء أطفال مدنيين جنود، حتى الجدار ما سِلم منها.. والسبب!؟ حسب تصريح لـ دان (أحد كتاب المسلسل) دينيريس
شافت الريدكيب وتذكرت ماضي أهلها وصار الموضوع شخصي وحرقت المدينة :eq-115:، أنا متأكد بالكُتب أيضاً دينيريس راح تعمل
نفس المسلسل لكن راح تشوفون بناء وتسلسل مقنع جداً لتطور شخصية دينيريس وكيف وصلت هالمرحلة.. اليوم عرفت سبب
تصريح جورج إنه المسلسل ممكن 5 مواسم زيادة عالراحة.

ما راح أتكلم عن الحلقة الثالثة والرابعة وباقي أحداث الحلقة الخامسة لأني راح أتعب من النقد..
للأمانة ضاق صدري وأنا أشوف عملي المفضل يسقط هالسقوط على آخر المطاف.

وعلى فِكرة..
الأحداث متسربة (الحلقة الرابعة والخامسة والسادسة) من أسابيع (صحيحة 100%).
حذاري من اللي يجيك الحين ويقولك توقعي للنهاية....... الخ.. وهو قاري التسريبات :eq-13:

انا شخصيا 14-05-2019 04:59 AM

رد : ● Game of Thrones S08 || #ForTheThrone ●
 
إقتباس:

الرسالة الأصلية كتبت بواسطة أنجلترا 1966 (مشاركة 51496828)
شافت الريدكيب وتذكرت ماضي أهلها وصار الموضوع شخصي وحرقت المدينة :eq-115:، :eq-13:

نعم ؟! هههههههه من جد هيك قال ؟
هذا هو السبب القوي اللي خلى محررة العبيد تقتل الأبرياء بلا رحمة ؟؟
طيب تحرق الريد كيب !! سكان المدينة مالهم ومال ماضيها وماضي أهلها ؟؟
التبرير الوحيد اللي ممكن أقتنع فيه انها انجنت على الآخر والمفروض الحلقة الجاية يجيبوها ناكشة شعرها وغير مدركة لأفعالها ؟؟
أما انها تظهر بشكل طبيعي وعقلاني وتتكلم عادي مثل الناس فما راح أبلعها :eq-87:

3krot 14-05-2019 06:15 AM

رد : ● Game of Thrones S08 || #ForTheThrone ●
 
^

وششش هالتبرير السخيف!! الشق أكبر من الرقعة صدق!
داني ما عندها رحمة للي يخالفها إيه.. تعدم ناس لأخطاء تافهة جدًا إيه
بس ما قد قتلت أحد بريء وهي عارفة إنه بريء
قتلها لفاريس وحرقها لأسطول الجزر الحديدية طبيعي واعتدناه منها
بس تصرفاتها بعد رن الجرس خارجة عن شخصيتها وعن المنطق وعن كل شي طبيعي بالحياة
بتقنعوني إن وحدة قبل كم أسبوع ضحّت بكل شي عشان تنقذ البشرية من الهلاك
بتحرق أطفال ونساء وكبار بالسن ما لهم لا حول ولا قوة بس لأنها تذكرت ماضيها وماضي أهلها؟
على أساس كل هالوقت كانت ناسية؟ هي حاطة ماضيها دافع لها من الأساس!!
حتى أبوها اللي مجنون صدق صدق ما وصل لمرحلة burn them all إلا بعد فترة طويلة من الجنون ومقدمات واجد على الجنون المُطلق اللي جاه بالأخير
ومن بدايته ما كانت عنده رحمة بأحد عكس داني اللي عندها رحمة تجاه الضعفاء زي العبيد مثلًا
لكن كذا بس والله شافت الرد كيب اللي مو أول مرة تشوفه أصلًا وعلى طول وصلت لمرحلة أبوها بالجنون وتجاوزتها بعد سبحان الله
صدق صدق لو يسكتون ويبلعون النقد أفضل من التفلسف والتبريرات اللي تزيد موقفهم الغبي سوءًا

الحين عرفت ليش جورج قال إن النهاية وحدة بس المقدمات اللي تؤدي لها تختلف
لأنه أكيد بيخلي التغيير بشخصيتها لأسباب منطقية وبناء طويل للأحداث يؤدي للي بيصير بالأخير
مو سلق البيض اللي حاصل


الوقت المعتمد في المنتدى بتوقيت جرينتش +3.
الوقت الان » 07:15 PM.

Powered by: vBulletin Version 3.8.11
Copyright ©1999 - 2020, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017