منتديات شبكة الإقلاع ®

منتديات شبكة الإقلاع ® (http://www.vb.eqla3.com/index.php)
-   Western Art TV (http://www.vb.eqla3.com/forumdisplay.php?f=189)
-   -   مميز || ● Game of Thrones S08 || #ForTheThrone ● (http://www.vb.eqla3.com/showthread.php?t=1537242)

أنجلترا 1966 21-05-2019 12:57 AM

رد : ● Game of Thrones S08 || #ForTheThrone ●
 
https://galpost.com/wp-content/uploa...83157f555f.gif

شكراً بيتر دينكلاج على الأداء العظيم :eq-35:
هذا تعليقي على ختامية المسلسل.

برستيج91 21-05-2019 02:50 AM

رد : ● Game of Thrones S08 || #ForTheThrone ●
 
طريقة موت دينيريس
ونهاية جون سو
هي الي خربت النهاية

وان التنين عصب وحرق كل شي الا جون سنو!!!!!!! مدري ايش هذا الغباء

وحركة الاجتماع تحت ذي المضله افشل وابيخ شي حسيت يقولون يالله خلونا نخلص وننتهي

جدد جدد مقهورة على هذه النهاية حراااااام عليهم مسلسل اسطوري يكون كذا نهايته

بس عندي سؤالين:
1-جون سنو ترك السور وراح يعيش مع الهمج!!
2- ذيك البنت الي ويا اخوها الي كانت مع بران وينها؟؟ اذكر ودعته بس ما ماتت

انا شخصيا 21-05-2019 03:05 AM

رد : ● Game of Thrones S08 || #ForTheThrone ●
 
إقتباس:

الرسالة الأصلية كتبت بواسطة برستيج91 (مشاركة 51499288)


1-جون سنو ترك السور وراح يعيش مع الهمج!!

السور أصلا نصه طاح والخطر زال فما عاد له أي هدف لا هو ولا النايتس ووتش ..
فمسألة انهم ينفوه للجدار أصلا ما كان لها معنى بس توهقوا وما عرفوا كيف ينهوا دوره :eq-13:
فاعتقد ايه راح يعيش مع الهمج :eq-87:

خمـش 21-05-2019 05:31 AM

رد : ● Game of Thrones S08 || #ForTheThrone ●
 
كنت اظن وكنت اظن وخاب ظني

Kibra 21-05-2019 06:47 AM

رد : ● Game of Thrones S08 || #ForTheThrone ●
 

ياجماعه اقسم بالله عجزنا نفهم لكم يعني بالحلقات والمواسم اللي فاتت كنتوا تقولون ليش بران ماله
اهميه ليه يبنون له محور خاص له ومشاهد خاصه له اذا ماله اهميه , بالنهايه يوم صار الملك
زعلتوا!!
انا بصراحه على اني جد زعلت على الحلقه الرابعه كانت اسوء حلقه بتاريخ المسلسل لكن بالنهايه
انا راضي تمام الرضى عن كل شي صار بالنهايه كل شخصيه استحق نهايه مناسبه له
والحمد لله اني ماكنت على طول اصدق النظريات وابني عليها توقعات تخيّب ظني بعدين
استمتعت جدا بكل دقيقه من هالمسلسل الشخصيات والموسيقى التصويريه والانتاج والقصه والحبكه شي ماراح يتكرر ابدا بعالم المسلسلات
باستثناء اللقطات الكوميديه الهزيله اللي بطاولة الاجتماعات والشخصيات اللي بقت بالنهايه مثل
برون صار وزير الماليه !!! يعني خلصوا العالم والشخصيات معقول مابقى الا هالشخصيات بكل
ويستروس !


3krot 21-05-2019 08:53 AM

رد : ● Game of Thrones S08 || #ForTheThrone ●
 



نهاية كل الشخصيات جيّدة ومُرضية لو لووووو كانت الحلقات اللي قبل أكثر منطقية
لو كانت المقدّمات أفضل، لذلك أشوف إن الكتاب راح ينجح من هالناحية
لأن مثلًا أبسط شي، أنا متأكدة إن المفروض نعيش جنون داني بشكل أفضل وأكثر إقناعًا مو بكم دقيقة
عشان لما يقتلها جون بهالطريقة ما نحس إن ليش وكيف وحرام وماتستاهل
ومتأكدة إن المفروض فيه تركيز أكثر على كون جون تارغيرين وإن المفروض فيه أحداث أهم تُبنى على هالشي

وبالأخير كل الشخصيات حصلت على نهاية مُرضية
مين تبون يصير ملك؟؟ جون؟ ماراح يصير ملك.. نهاية بتكون واضحة ومملة جدًا
شخص مايبي الحكم ويعتبره عبء كبير ومايهتم فيه بس لمجرد كونه شخص عادل غصب يحطوه ملك وخلوه يتحمل؟
أما باقي الشخصيات كلها ما أشوفها كفؤة للحكم، حتى تيريون، تيريون فيه حقه من الحقارة إذا استدعى الأمر
رجال قتل أبوه وحبيبته لأنهم خانوه، ما يناسبه يكون ملك هذا أولًا، ثانيًا أمر مستبعد جدًا إن بعد كل هذا تشوفون الحكم يروح لناستر !!
من أول المواسم وإحنا نقول إن الستاركس هم الأنسب للحكم وكون اللي صار ملك ستارك أمر منطقي
واللي يخليه منطقي أكثر إنه بران، بران ماعنده أي مطامع شخصية، ماعنده مشاعر
ويقدر يشوف كل شي يعني ماحد يقدر يتآمر عليه باختصار :D

الحلقة مو جيدة، فيها سقطات وسخافات كثيرة رغم بعض المشاهد الجميلة جدًا
وفيها استعجال غريب جدًا وواضح، يعني مليت من مشاهد تيريون وهو يمشي ببطء
وبالأخير مشاهد مهمة تجيبونها كأنكم يللا يللا نبي نخلص؟
مشهد اختيار الملك كان غبي وسخيف وكأنه مسرحية مدرسية ويللا كلنا موافقين على كل شي وكلنا سعيدين
غير الكوميديا السامجة اللي فيه لما سانسا سكتت خالها

ومشهد الاجتماع كذلك سامج وفان سيرفس كالعادة، اوه برون حصل اللي يبيه
وكلهم حصلوا اللي يبونه والحياة سعيدة جدًا ونمزح مع بعض ونغير جو :)

وبعدين وش هدف آريا بالحلقة اللي راحت؟ ليش ما شفنا جون بدالها يعيش الجو في الحرق والقتل بما إنه هو اللي قتل داني؟
وش هدف الخيل الأبيض أصلًا؟ بس مشاهد حلوة وإخراج حلو بدون هدف؟ :)

واللهِ يعني تخيلوا إن المواسم الأولى كانت بنفس مستوى الكتابة هالموسم؟
كان لا شفنا الرد ويدنج ولا مات ند ستارك ولا شفنا المعارك العظيمة اللي صارت ولا كان المسلسل بهالعظمة
ماكان فيها اهتمام برغبة الفانز ونهاية سعيدة سخيفة لشخصيات مالها أهمية زي برون!


ملاحظة/ حبيت رجعة جون سنو القديم بستايله وملابسه وكل شي :(:eq-35:


وبالأخير، المسلسل كان عظيم، موسم واحد ما يمحو كل الجمال في المواسم السابقة
مشاعري وأنا أشوف الحلقة كانت حلوة وحزينة، ماكنت أفكر بالسلبية كثر ما كان يمر علي فلاش باك بكل المواسم اللي راحت :eq-35:
لذلك أعتقد إني راح أعيده كله قريب

ونشوفكم على خير انبسطنا معاكم ومع تعليقاتكم :eq-35:




Kibra 21-05-2019 03:31 PM

رد : ● Game of Thrones S08 || #ForTheThrone ●
 

بالمناسبه فيه اضافه بسيطه فالحلقه اعجبتني جدا
قبل كم من حلقه دمجوا موسيقة اللانستر مع لايت اوف ذا سفن الي هي الثيم الخاص ل سيرسي
بالحلقه هذي دمجوا موسيقة الستارك مع الثيم الخاص ب اريا يو كانت ب برافوس :eq-67:


بصراحه ما استوعبت اننا بالحلقه الاخيره الا يوم ماتت داني
انا هنا انفجرت صياح لين ما خلصت الحلقه وخاصه يوم اشتغلت الموسيقى اللي قلتلكم :eq-67::eq-67:


Kibra 21-05-2019 04:16 PM

رد : ● Game of Thrones S08 || #ForTheThrone ●
 

-


https://i.top4top.net/p_1236vnyjr1.gif


!She will always be my Queen :eq-35:



الحظ الـمنسدح 22-05-2019 01:33 AM

رد : ● Game of Thrones S08 || #ForTheThrone ●
 
إقتباس:

الرسالة الأصلية كتبت بواسطة مو فاضي (مشاركة 51496942)
ز مان عن الاقلاع ..

كنت من أشد المدافعين عن المسلسل وما خليت أحد ما نصحته فيه ..
الحين صرت أتمنى آخر موسمين ينمسحوا من ذاكرتي :eq-67:
تسرع ولامنطقية ورخص في الاحداث وهدم لشخصيات صارلهم سنين قاعدين يبنوها :eq-89:
:eq-87:


وانت الصادق من آخر 3 مواسم وهي هاجه معهم




إقتباس:

الرسالة الأصلية كتبت بواسطة مو فاضي (مشاركة 51496942)
ز
تيريون من أذكى شخصية لأغبى شخصية! ..
آريا مرة فتاة خارقة ومرة فتاة خوافة لا حول لها ولا قوة! ..
بران من شخص يعرف كل شيء الى شخص لا يعرف شيئا وحتى لو عرف لا يفعل شيئا! ..
جون سنو من نغل الى قائد الحرس الليلي الى ملك الشمال الى تارغيريان الى كومبارس لا يقدم ولا يأخر! ..
جيمي قتل الملك دفاعا عن الأحياء وانقلب على سيرسي دفاعا عن الأحياء ..
فجأة صاروا ما يهموه الأحياء وكل همه سيرسي! .. كل التغير في شخصيته ضربوه في الصفر!

الموسم هذا بالتحديد كل حلقة أسخف من اللي قبلها لين ما وصلنا للطامة الكبرى وهي جنون دينيريس غير المبرر ..
أوكي فهمنا انهم قتلوا تنينها ومساعدتها ميساندي وأثاروا غضبها وبلا بلا بلا
بس حرقها لأسطول غريجوي وجيش الجولدن كومباني كان أكثر من كافي ليشفي غليلها!
.. أما حرقها للناس بعد دق أجراس الاستسلام ما كان عنده أي مبرر أو منطق! ..
لو مرة انجنت كان ممكن تتجه مباشرة للريد كيب وتهدمها على راس سيرسي حتى لو ماتوا بعض الأبرياء ساعتها بيكون بالغلط !
بس انها تدور في الشوارع وتحطم البيوت وتتقصد تحرق الأطفال والنساء والعجزة والأخضر واليابس فهذا فاق الجنون والعقل والمنطق!! ..
سوى انهم يبون يخلونها شريرة غصب عشان جون يلقى عذر للانقلاب عليها ويصير هو الأحق والأجدر بالعرش .. :eq-87:


لي 3 مواسم ياصاحبي وانا انتقد 3 سنوات وهم قاهريني الى ان جاني تبلد منهم خلاص
يبنون يبنون من شخصيات ومسارات وتوجهات واخر شي يسحبون على كل اللي بنوه
ويقدمون خط سير ثاني متناقض تماما مع اللي جالسين يبنونه من سنين
والامثلة كثيرة جدا جدا سواء من ناحية الشخصيات او من ناحية الكتابة



إقتباس:

الرسالة الأصلية كتبت بواسطة TowoT (مشاركة 51497552)
صديق سجل عندك قائمة اعتراضاتي

يالله بعد قيم اتمنئ مسلسل ملك الخواتم يكون صدق ويعوضنا عن فقدان التحفة الفنية التاريخية قيم ، احس اني بودع واحد من اهلي ههههههه
ملك الخواتم هو السبب اللي خلاني اتابع قيم، انا مجنونة هذا العمل ولما شفت قيم حسيتني رجعت لاجواء ملك الخواتم مع انو شتان بين العملين ..



احساس متبادل ياصديقي ولكن مثل ماقال القبطان سلفر ( تستمر الحياة تستمر الحياة )

و ابشرك الخبر صحيح وبيكون فيه مسلسل لـ ملك الخواتم
وللمعلومية ترى رواية الجليد والنار اساسا مستوحاه من كتاب ملك الخواتم و رواية سيليماريون وهذا باعتراف جورج ار مارتن بنفسه اشياء كثيرة جدا مقتبسها


إقتباس:

الرسالة الأصلية كتبت بواسطة مو فاضي (مشاركة 51497645)
فيه ناس كثيرة بتقول انه اعتراضهم مو على الأحداث نفسها بل على الطريقة اللي صارت فيها واللي كانت سريعة وغير منطقية ..
أنا أختلف .. اعتراضي على الأحداث اللي صارت نفسها ..
ما كنت أبغي آريا تقتل النايت كنج ولا أبغي الأموات ينتهوا تماما ..
ولا أبغي جيمي يرجع لسيرسي ولا أبغي دينيريس تصير مجنونة وتقتل الأبرياء ..
هذا رأيي فلو كانت هي هذه فعلا النهايات اللي وضعها جورج ار ار مارتن فيسمحلي ما أعجبتني :eq-13:

pb192


والله ياعزيزي لو بنقعد نكتب بالطريقة هذي ماراح نخلص كلنا ماحنا راضين
اذا انت مانت راضي عن كذا مشهد انا ماني راضي عن نهاية الشخصيات كاملة من اول كتاب لاخر كتاب
لكن هذا توجه الكاتب الاصلي له الحق يقدم قصته بالطريقة اللي يشوفها
و والله انها من اجمل الاعمال اللي قدمت ومن اجمل الروايات الى ان ارتكب غلطة لاتغتفر
و خلا منتجين الفلس يكملون تأليفها ويدنفسون على راحتهم

ولا الود ودي ان جون يعرف حقيقته من نهاية الموسم السادس واللي يقوله هولاند ريد
ماهو مثل البربسة اللي صارت و اللي شوهت القصة وخربت الحبكة
اريا ودي انها ماتت من الحلقة الثالثة و اللي قتلها النايت كينق امام بران وامام جون !! يالله على المشهد لو صار
سام + الدوده القلق + بريان + جيمي + ميساندي وغيرهم المفروض كلهم يموتون الحلقة الثالثة

لو بقعد اعد لك عن نهاية الشخصيات او السيناريوهات ماراح نخلص
كل اللي نبيه نهاية منطقية وفيها حبكة سواء مرضية او غير مرضية



إقتباس:

الرسالة الأصلية كتبت بواسطة أنجلترا 1966 (مشاركة 51498436)
حسب تصريح جورج أر أر مارتن..
نهاية الشخصيات الرئيسية (جون، دينيريس، آريا، سانسا، بران، تيريون، جيمي وسيرسي) بتكون نفس الشيء بالمسلسل والرواية..
لكن طريقة الوصول لهذي النهايات بيكون مختلف جداً، أما الشخصيات الثانوية فالاختلاف فيهم كبير أحداث ونهاية.

ونهاية المسلسل ما تكلم عنها لكن أعتقد أيضاً متفقين إنه النقاط الرئيسية (من ضمنهم النهاية) بالمسلسل والرواية متطابقين.


ممكن لاهنت تفيدنا بالتصريح لاني حاولت ابحث عنه مالقيته



إقتباس:

الرسالة الأصلية كتبت بواسطة Kibra (مشاركة 51499343)

ياجماعه اقسم بالله عجزنا نفهم لكم يعني بالحلقات والمواسم اللي فاتت كنتوا تقولون ليش بران ماله
اهميه ليه يبنون له محور خاص له ومشاهد خاصه له اذا ماله اهميه , بالنهايه يوم صار الملك
زعلتوا!!



مادري حسيت اني المقصود لكن بوضح وجهه نظري على كل حال

ترى الى الان ما قلت شي عن الحلقة الاخيرة ولا احتاج اقول لان واضحه من اول حلقة وهم بربسة في بربسة يعني كان شي متوقع هذا اولا

ثانيا بخصوص بران ترى للمعلومية انا من الناس اللي توقعوا انه ياخذ الثرون
اذكر بتغطية الموسم الرابع او الخامس كان فيه تصويت او مسابقة والمهم اني كتبت
نظرية وحرفيا صارت .. وحاليا جالس اراجع مشاركاتي ادورها لكن عموما
كنت اقول نهاية الرواية اذا مارجعت الممالك زي اول كل مملكة لحالها ولا ترى محد بياخذ الثرون الا بران ..

لكن حنا مانعترض على بران او نهاية الرواية ولا نعترض على من قتل النايت كينغ وغيره وغيره
حنا نعترض على طريقة تقديمهم او السيناريو لجميع المشاهد .. قسم بالله هذا اللي ننتقده

لي عودة

TowoT 22-05-2019 02:35 AM

رد : ● Game of Thrones S08 || #ForTheThrone ●
 
علئ اني تحلمطمت بما فيه الكفاية اخر حلقتين وسبيتهم سب ، الا اني حقيقي حبيت النهاية :(

لاني حضرت نفسي اني احكم عليها كحلقة مستقلة بدون ما استحضر خيباتي في الحلقات السابقة، تخيلت انو المسلسل ماشي تمام التمام والاحداث اخذت وقتها وهذا وقت النهاية واستمتعت :D

الحلقة جميلة وتعور القلب ، فيها شوية عباطة بس مايخالف تعودنا ..

حلقة مليانة بالمشاعر، ابتدينا المشوار مع ستارك وانتيهنا مع ستارك ، دانيريس مهما حاولو يشوهو صورتك تبقي انتي الملكة ماعليك منهم :D
اشتهيت اتابع اول حلقة من جديد :(


معقول خلاص بح ثرونز، ماعاد في حماس ولاشي :(

اتفق مع اللي قالت ان النهاية عظيمة لو ان الاحداث محضرين لها من بدري مو كذا خبط لزق ..

وتبقى الحلقة الرابعة اسخف واغبى واخيس حلقة في تاريخ الثرونز ..



باي باي يا اعظم عمل شفته بحياتي مارح يجي مثلك ابد:(:(:(

وبانتظار سلسلة ملك الخواتم العشق الأصلي .:D
بس مستحيل يوصل زي مستوى قيم ، لان بالنسبة لي اهم عامل خلا المسلسل قوي هو ارتباطنا عاطفيا مع الشخصيات، لان الشخصيات الرئيسية اخوان فحسينا فيهم وفي مشاعرهم، سواء كانو ال ستارك او اللانيستر ، فصعبة يكررو هذا الارتباط في عمل اخر ..



ودي مخربط ومدري كيف جاي بس عشان توي خلصت الحلقة :( :D


الوقت المعتمد في المنتدى بتوقيت جرينتش +3.
الوقت الان » 09:03 PM.

Powered by: vBulletin Version 3.8.11
Copyright ©1999 - 2020, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017