منتديات شبكة الإقلاع ®

منتديات شبكة الإقلاع ® (http://www.vb.eqla3.com/index.php)
-   Western Art TV (http://www.vb.eqla3.com/forumdisplay.php?f=189)
-   -   مميز || ● Game of Thrones S08 || #ForTheThrone ● (http://www.vb.eqla3.com/showthread.php?t=1537242)

رامي الإقلاع 30-04-2019 03:08 AM

اشوفها نهايه منطقيه بالنسبه لي ..
ما ادري عنكم .. لكن الحلقه جباره من ناحية اخراج وتمثيل وسيناريو ..
حلقه مرضيه كفايه لي ..

انا شخصيا 30-04-2019 03:29 AM

رد : ● Game of Thrones S08 || #ForTheThrone ●
 
إقتباس:

الرسالة الأصلية كتبت بواسطة ahmadmjk97 (مشاركة 51492226)
اتوقع مايحتاج اعلق الكل متفق انها حلقة قوية
وافضل شيء انهم انهوا المعركة في حلقة وحده

ههههههه لا مو الكل متفق

انا شخصيا 30-04-2019 03:39 AM

رد : ● Game of Thrones S08 || #ForTheThrone ●
 
إقتباس:

الرسالة الأصلية كتبت بواسطة TowoT (مشاركة 51492204)

العتب الوحيد كيف اريا طارت لين النايت كينج، شفناها تتدرب ع حاجات كثيرة الا الطيران :D

لكن نقول لان كلهم مركزين على بران فهي باغتتهم ..

بصراحة حلقة تجيب الصداع من الحماس ولكن اقوى عيب عدم موت الشخصيات الرئيسية ..

وتذكرو، هو اسمه صراع العروش مو صراع النايت كينج، المسلسل رجعنا لهدفه الأساسي مين يجلس ع العرش الحديدي ..

من غير انها طارت .. كيف تعدت جيش من الأموات ووصلت لعند النايت كينغ من غير ما أحد يحس عليها ؟؟
وبران شنو دوره؟؟ وين راح ؟؟ وش سوا بالغربان ؟؟
وجيمي بعد شنو دورو اللي سبق وتكلم عليه بران؟؟ .. ما شفناه سوا شي بس يهش على الموتى ..
جيش الدوثراكي العظيم أبيد في لحظة وسام الفاشل ما بغا يموت !!
ميليساندري هل كان دورها فقط انها تحمس آريا؟؟
>> لأن النيران اللي اشعلتها ما أفادت بشي غير انها ضوت علينا بعض المشاهد ورحمتنا من الظلام الدامس pb192
وهل لها قدرة خارقة على الانتقال الآني ؟؟
>> لأنها ظهرت من العدم ومن جهة جيش الموتى وما احد قرب لها pb192

بصراحة حلقة مو قد التوقعات وفيها اشياء كثيرة غير منطقية واللي يمدح فيها زيادة عن اللزوم أحسه بس يصبر نفسه :eq-87:

Akainu 30-04-2019 04:32 AM

رد : ● Game of Thrones S08 || #ForTheThrone ●
 
الحلقة اعجحبتني وكانت اسطورية جدا من ناحية الاكشن واصنفها من افضل مشاهدت بعالم المسلسلات والافلام اذا ماكان الافضل
من ناحية الاكشن والحماس افضل حلقة بكامل مسلسل صراع العروش لكن النهاية سيئة ليش تبينلي النايت كينق من الموسم الرابع
والوايت والكرز من بداية السيزن واخر شيء تنهيهم كذا خاصة النايت كينق هل النايت كنيق بهذا الضعف حتى ينهزم من اريا بضربة وحدة بس!!
اريا حتى بقوتها ذي ماصنفها من اقوى خمس اشخاص بالمسلسل واخر شيء ينهزم النايت كينق وكأنه مايعرف شيء عن فنون القتال ؟!!
حتى قصته ومن هو النايت كينق واهدافه ماجابوها
والنهاية والشر الرئيسي تكون سيرسي ؟ سلامات هو كيرز ؟ من يهتم فيها؟ المفروض الشر الرئيسي والاساسي ونهاية المسلسل هم الوايت والكرز والنايت كينق مو سيرسي


ع العموم بقي 3 حلقات بس اتمنى تكون نهاية تليق بمسلسل ضخم مثل قيم اوف ثرونز اللي اشوفه افضل مسلسل بلا منازع ويتربع على عرش وقمة هرم المسلسلات


تقيمي للحلقة 9/10

اسود غامق 30-04-2019 05:25 AM

رد : ● Game of Thrones S08 || #ForTheThrone ●
 
إقتباس:

الرسالة الأصلية كتبت بواسطة TowoT (مشاركة 51492204)
انتو ناس غريبة خخخخخخ

بالعكس نهاية النايت كينج جبارة، موتته من اجمل مايكون
مافي شي عظيم، التضخيم والخوف هذا بس في عقولنا ، ايش ماكانت قوة الشخص بالاخير لابد له نقطة ضعف، محد قد سبق وقتل النايت كينج عشان كذا لهم مواسم يعدو الفاليريان ستيل والدراغون غلاس، كلها كانت مجرد توقعات من السابقين لان محد قد سبق وقتله، فطبيعي انو محد يعرف وشهي الطريقة الصحيحة لموته، هو مو محارب عظيم ولاهو عندو قوة جبارة لاتقهر، هو فقط يسيطر ع الاموات ولايعرف يقاتل ووضحولنا من زمان انه مو مقاتل ..

اجمل شي انو بكل هذي العظمة والقوة بالأخير يموت بكل هذي البساطة
هنا رسالة للكل انو مافي شي مستحيل ومافي شي لايقهر، طعنة وحدة انهت مسيرته في الحياة ..

مليساندرا مارجعت جون سنو عشان النايت كينج، هي رجعته لان داڤوس قال لها رجعيه وترجاها والا هي ابدا ماكانت مؤمنة برجوعه، هذا للناس اللي زعلانة ليش سنو مو هو اللي قتل ومو هو ازور اهاي، طلعت اريا ...



العتب الوحيد كيف اريا طارت لين النايت كينج، شفناها تتدرب ع حاجات كثيرة الا الطيران :D

لكن نقول لان كلهم مركزين على بران فهي باغتتهم ..

بصراحة حلقة تجيب الصداع من الحماس ولكن اقوى عيب عدم موت الشخصيات الرئيسية ..

وتذكرو، هو اسمه صراع العروش مو صراع النايت كينج، المسلسل رجعنا لهدفه الأساسي مين يجلس ع العرش الحديدي ..

البنت دي بتئول كلام زي الفل

K O Y A 30-04-2019 07:20 AM

رد : ● Game of Thrones S08 || #ForTheThrone ●
 
-

حلقه مُرعبه من كثر م هي أسطوريه وأُنتجت بشكل مُبدع فعلًا خصوصًا انتقالهم من شخصيه لشخصيه بداية من سآم الين أريا المُحاصره من جميع الجهات ..
أريا حُبي لها كبير ه الشخصيه وسعيد جدًا إنها من أنهت الكثير ..
كالمرأه الحمراء .. حُبي الساحر ..
كثير م تكلمو عنها لكنها فعلًا قدمت الكثير .. وتمثيلها جباررخصوصًا يوم الخندق .. مشهدها مُدهش !
النآيت كنق كان ودي يطول شوي حلقه او حلقتين ! أحس كل شيء صار فجأه خصوصًا إنه ضد النار هذه تحكي كثير الكثير !
نظريات كثيره للأسف م تحققت ك بران وتحكمه بالتنانين وعودة كاتلن والكثير ..
الحلقه فعلًا كانت جميله وطول الوقت رجف ..
مشهد اللي بعد كل التعب والنزاع اللي صار وفجأه كل الأموات ينهضون مره أُخرى بمواجهة بشريين مهلوكين وع حافة الإستسلام مشهد للتاريخ وَ حلقه للتاريخ .

W A F A Z 30-04-2019 07:23 AM

رد : ● Game of Thrones S08 || #ForTheThrone ●
 
BATTLE OF WINTERFELL

اهلاً اهلاً
صباح | مساء الخير.. ال ثرونز
اتمنى أنكم بخير جميعاً pb189
* اللي ماشاف الحلقة يسوي skip *

E 3
متجهزه وحولي اكل ومطفيه الانوار على اساس جو ومدري إيش ..
نسسيييت الاكل اللي جايبته فاتحه فمي وعلى اعصابي طول الوقت!!
حلقة أسطورية وتاريخيييييه غطّت على حماس كل حلقات المواسم السابقة
إخراج .. تمثيل .. الاكشن والحماس وتسارع الاحداث :eq-48: pb189
الحلقة حسيتها حلقة فاينل والله العظيم !! عظيمة جداً هالحلقة :eq-39: pb189

https://66.media.tumblr.com/ded5540f...5j2so2_540.gif
بداية بمشهد الجيوش .. الدوثراكي .. الانسيلد .. بران واللي معها
إنتظارهم لظهور الوايت ووكرز وملامح الرعب والرهبه اللي عل وجيههم
يااااا اللله !!!!!!:eq-62:
دخول مليساندرا !!
لحظه بعلق على نقطه هي من وين جت ؟
وكيف ماعترض طريقها جيش الوايت ووكرز؟؟؟
دخولها ومشهد يوم تشعل نار بسويف الدوثراكي قشعّر جسمي والله pb189
النار وهي تنتقل من صف لصف يااااااه :eq-39:
الدوثراكي :eq-39:
بلحظه راحوا في خبر كان :eq-39:
اللي نرفزني ومنرفز كثييير ومتفقين عليه هو سام !!!
ياجماعه فيه شي غريب قاعد يصير !!!!!!!!
الحين الدوثراكي بقوتهم ونيرانهم اللي معهم اختفو بثواني حرفياً ثواني !!
وسام البطه اللي مايعرف يقاتل وبرضو بالصفوف الاماميه ماصار له شي ؟؟؟
مع إنه من خلال اكثر من مشهد بينو لنا كيف كان بينقتل من عشريييين وايت
ووكرز وانقذه كم شخص وايد مات عشانه !! ليه ؟؟؟
هل ف سام شي سحري ماخلا الوايت ووكرز يقتلونه لين اخر الحلقة؟؟؟
ولا الكاتب عاوز كده مشان يشهد بعدين لجون انه تارغريان؟؟؟؟؟؟
لو انه منطق بالسرداب أبرك له ! :eq-73:

https://66.media.tumblr.com/8ab41f71...cz3go6_540.gif
ليانا :eq-39: pb189
آآآآه ياليانا :eq-67:
بطلة .. شجاعه .. مضحيّه !
طفله ومع ذلك عن مية شخصية !!
مشهدها مع العملاق وكيف شجاعتها بإنها تقتله مع انه ماسكها الضعيفه
مو من كبرها أصلاً بكيت واللله ::eq-39:
ماتت بشرف وشجاعه تستحقه شخصيتها فعلاً pb189

https://66.media.tumblr.com/6075ffe9...5j2so1_540.gif
جون ودينيرس
بالبداية جون وش فيه ؟؟؟؟
يعني كنت متوقعه حضور قووووي له بهالحلقة !!!
واخرتها ليانا ارجل منه والله :eq-73:
الناس تتذابح مع الوايت ووكرز وهو معطيهم اكبر اشكل وواقف فوق يطلّ
ويقول وينه النايت كنق ؟؟؟؟ ريلي ؟؟؟؟؟؟؟؟؟؟؟؟؟؟؟؟؟؟
أعجبني رد دينيرس عليه " الموتى بالفعل هنا " :eq-54:
أرفع لك القبعه يابنت التارغريان :eq-54: pb189
قتال التنانين..
أقدر أسميه مشهد "رقصة التنانين" ؟
مشهدهم وهم يتقاتلون ف السماء يمكن أجمل شي قدموه جون
ودينيرس هالحلقة pb189
النايت كنق حاسبها صح يوم حوّل تنينها .. عرف لهم !!
يعني صحيح انه بسبب التنين والعاصفه اللي حجبت الرؤية عنهم ماقدرو
يأدون دورهم اللي المفترض يقدمونه .. مثل اشعال الخندق وقتل الوايت ووكرز
بالنيران .. بس توقعت بيتصرفون !!
يعني الحين داني ماتقدر تقول بوسط هالظلام والثلج "دريكارس" وينتهي الموضوع !!!
منها تشوف ومنها توخر هالغيوم اللي حولها ؟؟؟؟؟؟:eq-73:
عجيب فعلاً قهرتني :eq-81:

ميليساندرا واريا
منتظره لقاااائهم من كم :eq-39:
لحظه هو هي قالت جملة " ماذا نقول ل اله الموت " اللي كان يقولها معلم
اريا ذاك ولا انا غلطانه ؟؟
وش عرفها فيها ؟
يمه هالحلقة مليانه حماااااس وتخليك تفكر بمية سؤال وسؤال:eq-67:
تشجيعها لاريا هي مهمتها الاساسية .. وبرضو مهمة بيريك :eq-39:
يعني اريا هي ازورا اهاي ؟؟؟؟
ياولد لحظه وجون والنظريات والدنيا ذي :eq-6:؟؟؟؟؟
الثرونز يلعب فيك لعب ويكسر توقعاتك ويرميها بعرض الحاااايط :eq-39:
تنبأت بانها بتقتل أعين بنية وتمت ..
أعين زرقاء وتمت اليوم ...
الاعين الخضراء سيرسي ؟ بتكون اريا بطله مرتين على التوالي؟؟

سانسا وتيريون
الساوند تراك الهادي .. أنفاسهم المرعوبه .. نظراتهم المصدومة ..
ظلال الوايت ووكرز على الجدران ... اصوات الصراخ ...
فعلاَ مشهد يخلد في الذاكره pb189

https://66.media.tumblr.com/ed8d2fd2...34pso8_400.gif
النايت كنق
الابتسامه المرعبه :eq-39: !!!!!!
اوك ييعني طلع تارغريان ....؟
نظرات النصر من داني يوم أحرقته محاها بلمح البصر بالصدمة الكببرى :eq-73:
عطاها أكبر صدمة بحيااااتهااا :eq-6:
مين حس ان الوايت ووكرز كان يسلك يوم رمى الرمح عليها هي وتنينها:eq-73:؟
ياخوي ماله داعي التخويف توكل للمكان اللي بتروح له واترك عنك الشقرا ذي :eq-6:
نجي للغبي جون ...
الحين جون على انه اكثر واحد يعرف النايت كنق وواجهه كثر من مرره!!
بكل بساطه يراكض وراه زي الخبل وهو عارف عن قدراته ؟؟؟؟؟؟؟؟
أبسط شي انه عارف عنك انك وراه ياغبي:eq-73: !!!!
ولا يوم أحيا الموتى من جديد وتجمعو ححول جون اعطاك وضعية المصدوم ؟
لا والله ؟ كنت متوقع ياخذك بالاحظان ياحبيبي ويقول تفضل اقتلني ؟؟:eq-73:
وتجيك بنت التارغريان يقالني بنقذ حبيبي .. تفضلي انقذيه وانشبي انتي :eq-6:
والله موقف ظحكككني مع انه اكشن وحماس بس ظحكت لين عجزت :eq-73:

https://66.media.tumblr.com/0e8d50d2...l9i4o5_540.gif
جوراه :eq-39:
ياويلي عن قليبك الاقشر اللي ماحب الا هذي :eq-39:
أكثر شخصية كنت ما اتمنى لها هالموته البشعه من وجهة نظري :eq-19:
ضحى بنفسه مثل ماضحت ليانا .. ذابحتهم التضحية ال مورمنت :eq-39:
لكن تضحيتهم مختلفة ولاتقارن .. :eq-39:
ليانا ضحت من اجل الكل .. جورا ضحى من اجل قلبه :eq-33:
بكاء داني عليه هداني شوي ورحمتها .. :eq-35:
لو مابكت عليه كان كسرت الجوال والله !!!!
بس بكائها عليه أقوى من بكائها على تنينها وهالشي ينوخذ بالحسبان:eq-39:

https://66.media.tumblr.com/807330c9...74xfo4_540.gif
نجي للصدمة .....
اول شي بران وين كان طول هالوقت ؟؟؟؟؟؟؟؟؟؟؟؟؟؟؟؟؟؟؟؟
شفناه تحول لغربان كثييره بس وين راح ؟؟
لان بكل المشاهد ماطلع ولا غراب !!
معقوله ظهور اريا الغريب له دخل بغربانه ؟؟؟
ولقائه مع النايت كنق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياجماعه ياناس يابشر ماصار شي ليه؟؟؟
على الاقل لو فلاش باك لو اي شي مو بس نظرات بارده !
كلمة كنت ابي اسمع صوت النايت كنق صراحه :eq-73:
واريا اه ياريا :eq-39:
مشهد عجزت احدد مشاعري تجاهه .. عجزت :eq-39:
يعني فرحت لكون اريا بطله وأشوفها تستحق هالشي أكثر من جون ..
لكن .....:eq-39:
مو كذا!!!
فجاءة طارت من ورا النايت كنق ؟ نعم؟ حراسه الي مسنترين وراه وين رااحو؟؟؟؟؟؟؟
خصوصاً ان الوايت ووكرز يحسون ! مثل ماشفنا بمشهدها تحت الطاوله!
حس عليها ونزل يشوفها بس اختفت على طول ..
بس بهالمشهد حتى مالحقو يحسون عليها طارت خصلة شعر واحد منهم
وهوببببااا نطت على النايت كنق ؟؟؟ يابوييييي وين حنا فيه ؟؟:eq-19:
مشهدها ابداً مش مقنع اذا هي فعلاً متخفيه ومرت من بينهم بهالسرعه
لكن لو طاايره شي ثاني عاد :eq-73:
صرت اتوقع كل شي من الثرونز !!
أتمنى ف الحلقة الجايه ع الاقل يوضحون !:eq-39:

- لي عودة لاحقاً :eq-54:

البَـدر 30-04-2019 12:01 PM

,

https://66.media.tumblr.com/95358a36...pdrfo1_540.gif


وتّرتني الحلقة مع الظلام ما قدرت أشوف شي :eq-13:!
طبعاً الظلام يوفر لهم كثير لأنه يملا الفراغ ويعطي أنطباع بأن أعداد الجيوش أكبر وطبعاً هي في النهاية "The Long Night"
لكن في نفس الوقت يمكن كانوا قاصدين يخلون الحلقة توّتر لأن كل الأبطال قاعدين يناظرون لوجه الموت ويهددهم
حبيت خوف آريا أضفى عليها واقعية وبراءة وذكرني بطفولتها .. مهما كانت مهاراتها في النهاية الكثرة تغلب الشجاعة
حبيت مشاركة ميساندرا والنيران وكذلك نظرتها لعيون آريا لأنها تعرف أنها هي المخّلصة
مدري ليه طول الوقت أنتظر الـNight King يتكلم pb192
أيضاً تمنيت موت شخصية رئيسية .. كاليسي مثلاً! يعني موتها بيخلي الحلقة صامدة فعلاً
متحمس للثلاثة حلقات الباقية ومواجهة سيرسي وتيرون
يعطيكم العافية :eq-69:

K O Y A 30-04-2019 03:38 PM

رد : ● Game of Thrones S08 || #ForTheThrone ●
 
إقتباس:

الرسالة الأصلية كتبت بواسطة K O Y A (مشاركة 51492266)
-

حلقه مُرعبه من كثر م هي أسطوريه وأُنتجت بشكل مُبدع فعلًا خصوصًا انتقالهم من شخصيه لشخصيه بداية من سآم الين أريا المُحاصره من جميع الجهات ..
أريا حُبي لها كبير ه الشخصيه وسعيد جدًا إنها من أنهت الكثير ..
كالمرأه الحمراء .. حُبي الساحر ..
كثير م تكلمو عنها لكنها فعلًا قدمت الكثير .. وتمثيلها جباررخصوصًا يوم الخندق .. مشهدها مُدهش !
النآيت كنق كان ودي يطول شوي حلقه او حلقتين ! أحس كل شيء صار فجأه خصوصًا إنه ضد النار هذه تحكي كثير الكثير !
نظريات كثيره للأسف م تحققت ك بران وتحكمه بالتنانين وعودة كاتلن والكثير ..
الحلقه فعلًا كانت جميله وطول الوقت رجف ..
مشهد اللي بعد كل التعب والنزاع اللي صار وفجأه كل الأموات ينهضون مره أُخرى بمواجهة بشريين مهلوكين وع حافة الإستسلام مشهد للتاريخ وَ حلقه للتاريخ .

نسيت أقول الحلقه فعلًا منطقيه وكل شيء صار فيها ينبلع و للحظه اعتقدت انهم فعلًا بينهزمون وَ خلاص .. اغلب الشخصيات كلها تطورت بكل الأعوام اللي فاتت لذا موتة الكثير منهم امر غير مُرجح لذا كل شي كان بشكل أفضل ..
+ التنين الثاني انذبح صح؟ احس م وضحو ه الشي بس شكل م بقى الا واحد واللي هاجم ع جون الثاني ..

بو لولو 30-04-2019 05:05 PM

رد : ● Game of Thrones S08 || #ForTheThrone ●
 
عودة بعد مشاهدة ثانية للحلقة

وحلقة تستحق تخزن في المكتبة البصرية
اللي يبي يستمتع بالحلقة بجد يشوفها بأعلى
جودة وفي الليل وياسلام لو مسرح منزلي
تكمل المتعه

المهم مشكلة العمل في جمهورة العريض
صعب ترضيهم اي نهاية مع ان الحلقة
لا تعتبر نهاية باقي ثلاث حلقات والحلقة
الخامسة نفس مخرج الحلقة الثالثة الملحمية
هو مخرج الحلقة الخامسة يعني الأخ المخرج
هذا يجي يسوي حلقات ملحميه ويمشي

نجي للجمهور مشكلتنا السابقة معه انه طلع
لنا فسطاطين لجمهور المسلسل
فسطاط اهل الكتاب أو شبيحة الرواية
وفسطاط كفار ام الكتاب على ام الرواية

مع تطور الاحداث وتقدم كتاب المسلسل
على الرواية هجدوا شبيحة الرواية

وطلع لنا نوع ثاني من المشاهدين أصحاب
النظريات الكونانية نسبة للمحقق كونان قدس
الله سره

وخاصة الدكاكين من يوتبيين أو تويتريين
عاشوا على قفا المسلسل تحليلات ونظريات
سبيستونيه

جورج مارتن كل منعطف هام في القصة
كأنه يقول لاصحاب النظريات خذ نظريتك هاذي
ولفها زين وحطها ... بالدرج

ويقدم لك مفاجآت لم ولن يتوقعها احد
اخرها مفاجأة ان اريا هي اللي ممكن تكون
المنقذه لأن حتى الآن ما زالت فيه حلقات قادمة

اريا ولا واحد في الميه كان يتوقع يكون
لها هذا الدور وتكون المنقذة مفاجأة
سارة للبعض مخيبة للبعض تبقى مفاجأة حبست
الانفاس وخلتنا فاغرين لآخر مشهد

واعتقد حتى في الرواية هي اريا هي قاتلة
الوايت كينغ لأن فعلا مجريات الاحداث لو نسترجعها
تقول كذا ولكن كثرة الاحداث والنظريات سببت
لنا ضياع وضياع سار بالنسبة لي ويمكن للكثير
لاننا تفاجأنا واندهشنا وهذا ما يميز العمل
من الموسم الاول بوووووم المفاجأة ..






ملف مرفق 1065200




سنافية
ودرة
طخطيخه
اجوديه
مكره مفره
مقبله مدبره
تذبح ولا تنذبح
تهين ولا تنهان
تجرب ولا تتجرب !!

طعانه نحاره
تجدع روس
وتدعس روس
وآل ستارك بفعلها رافعين الروس

اريا يا فخر ابوك
يا ذباحةالملك اللي ما يموت

يابنت فعلك ما طالوه اطوال الاشناب
وانشهد ما نتي بنت انتي الشنب وغيرك أذناب

وانتي المحزم اللي وقت الشدايد مليان
وغيرك مهايطي ووقت الشدايد طق..ان

اريا يا بنت امك وابوك
وسند اخوك وتاج قومك

فارسة وينتر فل
يوم الليالي تطول ..


الوقت المعتمد في المنتدى بتوقيت جرينتش +3.
الوقت الان » 06:06 PM.

Powered by: vBulletin Version 3.8.11
Copyright ©1999 - 2019, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017