منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الإقلاعية والشعبية > مجلس الإقلاع
التسجيل التقويم التأشير على جميع الاقسام بالمشاهدة




مواضيع مهمة ادخل هنا لمتابعتها - متجددة بشكل دوري


إغلاق الموضوع
 
أدوات الموضوع طريقة عرض الموضوع
قديم 30-05-2010, 08:38 PM   #1
زغيلة بو تفليقة
عضو نشيط
 
الصورة الرمزية الخاصة بـ زغيلة بو تفليقة
زغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصف
الي ما يجوز له نظامنا وانا امك خطبنى لك بنت عمك!!

السلام عليكم ورحمة الله وبركاته
كيفكم يا اعضاء الاقلاع

بما ان ماللي بالمقدمات
ادخل بالموضوع على طووول:

أنا كأي طالب سعودي جامعي يتخرج من الجامعه في سن 27!!
تخرجت ولله الحمد افتكيت من شي اسمه دراسة وغثاء
لاكن طحت بغثاء اكبر واكبر
دور وظيفة
من يوم تخرجت من الجامعة واهلي ناشبين لي قم دور وظيفة مالقيت لك وظيفة عساك حصلت وظيفة توظفت
وصار هذا مسلسل يومي بطله انا
يقومني ابوي لصلاة الفجر قم صل ودور وظيفه(يحسبني بلقى واحد باسط عند المسجد ويحرج على وظايف)
ارجع من الصلاه بنوم :وش ينومك انت لعاب ما تبي تتوظف وش اسوي يعني
مابقى شيء ماقدمة عليه
شفلك اي شغلة وشلون تبي تتزوج وتصرف على عيالك
وعلى هالحاله لين فرجت الحمدلله ولقيتلي وظيفة وراتبها كويس بعد سنه وشهرين من التخرج
توني افلها راتب وعزوبي
يوووويليه
ما تميت اسبوع الا وأمي جايتني
وانا امك خطبنالك بنت عمك !!!
نعم
وشو
ما ابيها
من قال اني ابي اتزوج
قالت امي ما علينا منك ما صدقنا انك تتوظف عشان نزوجك
قلت يمه وانا شاكيلكم قايلن ابي اتزوج قالت لا بس احسن لك الزواج ستر وانا امك
قلت وانا متفصخ يميمتي قالت خل عنك الخمبقة بس وانا حاكيت ابوك يكلم عمك
قلت يمه زواج من بنت عمي مافيه امل قالت خلاص اجل دامك ما تبيها ادورلك(فيك فيك)
قلت يمه الله يرحم والديك انا ما صدقت على الله اتوظف واعيش حياتي وافسفس على كيفي تقولين تزوج
قالت اجل اخليك تدشر!!
قلت ومن قال اني بدشر الله يهديك
قالت اها بس وخلك رجال انا بدورلك
(امي ما تصير متمسكه بموضوع الا و ابوي هو اللي فاتحة)
هنا رضخت للأمر الواقع
قلت دام الزواج راكبني راكبني
بكلم اختي بفاتحها بالموضوع عشان تدورلي
لأن ذوق العجز الله يطول بعمرهم
ذوق شياب الأولين
بتجيبلي وحدتن سميييييييينه (وبتقول لقيتلك وحده مصتصحه وين مستصحه معه الا كلها امراض) ويالله ادربيها
رحت لأختي الكبيره
قالتلي وش هالحركات يقولون بتعرس
قلت وش دراك وبعدين انا ما ودي بس امي ملزمه
ضحكت وقالت اصلن ابوي من زمان وهو يبيك تتزوج
يقول ما ابيه يسربت (وش سالفتهم على السربته)
ومن يوم توضفت وهو قايلن لأمي دوريله
قلت اسمعي يا أخيتي ابيك انتي اللي تدورين لي
قالت ابشر ما طلبت شي
المهم بعد يوم جاني ابوي وقالي هاه متى ناوي تخطب ان شاء الله
قلت اذا لقيت المراءه المناسبه
قال بستهزاء: ايييييييييييه بتلقاها ان شاءالله
المهم بعد مرور أسبوعين واهلي يدورون ويسألون قالت اختي
لقينالك وحده وكودها تجوزلك
قلت منهي قالت بنت خالت عم امي
قلت خير ان شاءالله
اتفقنا على يوم عشان اجي اشوفها
وجاء ذاك اليوم اللي بروح اشوف البنت فيه
رحت انا وأبوي وامي
قلطنا
وخذلك اسأله
وش تشتغل
كم عمرك
كم راتبك
كم
كم
كم..
المهم جاء الوقت اللي بشوفها(شوفه شرعية)
طلع ابوي
ودخل الشايب وقعد
وشوي وتدخل بنته
اناظرها واناظرها
البنت زينه لاكن مو من ذوقي
عقب ما طلعت وخذت امي
امي :ماشاءالله بنتهم قمر تهبل
عساها اعجبتك
قلت الله يستر عليها هي مزيونه بس ما اعجبتني
وبعد كم اسبوع قالت لي اختي
لقينالك وحده تطيح الطير من السماء تهبل
ورحنا وشفتها بس ما اعجبتني
الا وابوي مستلمني
انت تحسبها لعبه
تشوف بنات الناس وتقول ما جازولي
قلت :تبيني اخذ وحدة وانا ما احبها
قال:حبك برص شباب تالي
مهب لازم تحبها
هاذاني ماخذن امك وانا ماقد شفتها
قلت :جبلي وحده مثل امي وانا مستعد اتزوج اللحين
استحت امي وقامت تفرفر بشيلتها هههههههههه
قال اقول انقلع في ذاك بس انت وامك
بعد مرور وقت
ومابقى بنت ما قالوا رح اخطبها
ومافيه احد بالحاره ما داراى اني ابتزوج
عزمت امي ام جرانا(طبعن مرت جيرانا هذي بثره كنها ذيك اللي في باب الحاره ما تخلي بيت الا ومسيره عليه)
وقالت ان فيه بنت تهبل كلها ملح وراعية دين وكل شي
بس ابوها معيي يزوجها قبل اختها الكبيره
وكل من راح يخطب هالصغيره يرفض
قالت امي واختها الكبيره كم عمرها قالت 31
قالت لا ذي كبيره على ولدنا نبي صغيرة
المهم امي واختي شافوها وانهبلوا
زين ودين وحياء
قالت امي بنروح لمهم وعسى الله يكتب اللي فيه الخير
رحنا لمهم
وقلنا اننا جايين نبي القرب منكم قال ابوها اييه
ومن تبون اي وحده فيهم(والله ياهو حقنه )
قلنا فلانه
قال خير ان شاءالله
المهم قلت بشوفها
قال لازم
قلت اكيد
المهم دخلت علي
انا دوروني ما تلقوني
يااااااااااااااوتش
هذا ملاك داخلن علي مهيب بشر
طبعن اختبصت معد ادري وش اقول
بغيت اقوم امشي
وطلعت من عندهم وانا مستااااااااانس(لو يقولون اهلي لعد تزوج كرشتهم)
قلت ابيها ابي هذي البنت
المهم وافقت هي واهلها
وحددنا موعد الملكه
ورحنا كلنا
دخلنا المجلس وكان شبه مليان عمان البنت وخوالها
المهم سلمنا وجلسنا وسواليف
وأخيراً جاء مأذون الأنكحه
ودخل سلم على الجميع ونصى ابو البنت وسلم عليه وعلى اخوانه
حسيت انه يعرفهم
المهم بدا يسجل وياخذ بطاقات الشهود
وقال هل تقبل الزواج من بنت هذا الرجال قلت اقبل
وهل البنت تقبل بالزواج من هذا الشاب قال ابوها ايه
عقبها قلطونا على العشاء وراحوا عمانها وخوالها وأخواني
ما بقى الا ابوي والشايب
انا رحت عندها
و
و
و
و

وبعد الملكه صرت اكلمها وأروح لها كل 3 اسابيع
وأحس ان الشايب مايبغاني اجي مدري ليش
ومن جد حبيت هذي البنت حب الله لا يوريكم
ويوم ما بقى على العرس الا يومين
ادق عليها ما ترد ادق ما ترد
قلت يمكن نايمه مشغوله
منيب مشغلها
دقت علي بعدها بيوم
وحسيت من صوتها ان فيها شي قلت لها فيك شي
سكتت شوي وقالت اكلمك بعدين
احتريها تدق ما دقت
دقيت عليها مقفل
قلت لأختي السالفه(اني احس ان فيها شي وقالت لي اكلمك بعدين وما دقت)
قالت لا توسوس وحده عرسها بكره اكيد مشغوله

قلت يمكن ليش لا
وصليت الفجر ونمت
وقمت من 10 الصبح اناظر الجوال
مافيه ولا مكالمه ولا رساله
قلت يا ولد لا توسوس
اليوم عرسك
وسع صدرك
المهم رحت وضبطت وضعي والبيت كله حركه
رجعت على أخر العصر بتروش وأظبط وضعي
طلعت توني متروش
أنسدحت على السرير اهوجس وأفكر
وحالتي حاله بديت ارتبك
وهواجيس
بعد صلاة العشاء جو عماني
عشان يخاووننا للقصر
رقاء علي اخوي قال يله اخلص الرجال يحترونك تحت
توني لابس البشت بنزل
دقيت عليها
مقفل
يا ولد وش السالفه
تعوذت من الشيطان ونزلت
وبعد ما سلمت عليهم
وكل من سلم ينصحني
عقبها مشينا للقصر
والعالم تسلم وتبارك واللي يلفز في مخباتي فلوس واللي يبوس وحالتي حاله
جاء وقت العشاء ودخلو الرجال
طبعاً بروح لمرتي
رحت يوم وصلت قابلتني امها سلمت عليها
وقامت تدعي وتبارك
وانا منيب في جوها
دخلت الغرفه
أناظر
هه من ذي
على طول نزلت راسي وديورت
قالت امها وش فيك
قلت في نفسي مايجوز يفتش عندي الا ثنتين الأم وأمها(ام البنت وجدتها)
بس هذي صغيره ومتزينه
قلت من ذي
قالت حرمتك!!
على طول رحت اناظر وجهها
وهي منزله وجهها وضايق صدرها
لالا مهي ذي وييين
وش جاب ذيك لذي
قلت :لالا! مهيب ذي وينها
قالت الا هذي هي
طبعن هنا انبلف مخي معد ادري وش اقول وفهمت الموضوع على طول ديورت وطلعت قابلني ابوها
قال:وين رايح
قلت:الله لا يبارك فيك وش ذنب بناتك
قال:اقول لا تفشلنا وخل هالليله تعدي على خير
قلت:اي خير وهذي سواتك
ارتفعت اصواتنا كان اخوي ينتظرني في الموتر ونزل قال خير وش السالفه
طبعاً ابوها تركني وراح يدخل الغرفة اللي طلعت منها
علمت أخوي السالفه وركبت معه دقيت على ابوي وقلتله السالفه
قال خلاص أذلف للبيت
وابوي جلس عشان ما يحسون المعازيم بشي
رجعت للبيت شوي وأصيح
ودي اتوطى في بطن هالشايب
اخر شي جاء ابوي ومعه امي واختي
قال:انس البنيه
اخر شي أنهية العلاقة بذيك العائلة
ومازلت متعلق بذيك البنت



 

 


اخر تعديل كان بواسطة » مضطهد في يوم » 31-05-2010 عند الساعة » 03:52 AM. السبب: عدلناها :d
زغيلة بو تفليقة غير متواجد حالياً
Facebook Twitter 0
قديم 30-05-2010, 09:38 PM   #2
أمير المملكه
منتوف ريشه
أمير المملكه فوق  هام السحبأمير المملكه فوق  هام السحبأمير المملكه فوق  هام السحبأمير المملكه فوق  هام السحبأمير المملكه فوق  هام السحبأمير المملكه فوق  هام السحبأمير المملكه فوق  هام السحبأمير المملكه فوق  هام السحبأمير المملكه فوق  هام السحبأمير المملكه فوق  هام السحبأمير المملكه فوق  هام السحب
الله من زين أسم اليوزر بعد
والله شف أنا أمي قالت بخطب لك بنت خالتك مزنه قلت وش دعوى مايحتاج يمه خليني اعرس على فلاح أخوها أصرف تراه كل يوم ينام عندي بالملحق
بس مع ضغوطات أمي أعرست على مزنه يوم جت صبحية العرس وأتلفت أدورها مالقيتها واناظر الا فلاح متكي عند الكومدينه قلت وش جابك يا زلابه قالت أنا مزنه بس قشعت رموشي قلت ألعن أبو شكلك يا فلاح بلا أستهبال وفعلا يوم قربت وشفت تضاريس الصدر أيقنت بأنها فعلا مزنه زوجتي


على فكره ترا العيارين مو مال هالمواضيع يبه



 

 


اخر تعديل كان بواسطة » أمير المملكه في يوم » 30-05-2010 عند الساعة » 10:55 PM.
أمير المملكه غير متواجد حالياً
Facebook Twitter 0
قديم 30-05-2010, 09:41 PM   #3
هليوبوليس
من كبار مميزين الاكاديمية والثقافية
 
الصورة الرمزية الخاصة بـ هليوبوليس
هليوبوليس فوق  هام السحبهليوبوليس فوق  هام السحبهليوبوليس فوق  هام السحبهليوبوليس فوق  هام السحبهليوبوليس فوق  هام السحبهليوبوليس فوق  هام السحبهليوبوليس فوق  هام السحبهليوبوليس فوق  هام السحبهليوبوليس فوق  هام السحبهليوبوليس فوق  هام السحبهليوبوليس فوق  هام السحب
يالله من جد قهررررر .. الحين إذا الرجال ماوده يزوجك البنت الصغيره قبل الكبيرة ليش يدخلك في هالدوامه .. وبنته الصغيره المسكينه والكبيرة إللي حطها في موقف محرج بينها وبينك وبين اختها ؟
من جد ظلم ؟؟ خص نص إنه خلاك تشوف البنت الصغيره وتتعلق فيها !! ... حسبي الله
من جد تخلف للحين الناس تفكر بهالطريقة ......

لا وفي النهاية رااح يعنسون بناته كلهم بسبة تفكيرة الغلط ... غصب يعني الناس تتزوج الكبيره ؟ ايش هالتفكير التعبان هذاا ؟؟>> عصبت ...

وبعدين حركة التبديل هذااا من جد والزواج اظن إللي كذاا يعتبر باطل لانه قائم على غش وخداااع
الله يرزقك خير منها |



 

 

هليوبوليس غير متواجد حالياً
Facebook Twitter 0
قديم 30-05-2010, 09:46 PM   #4
Silent pain
إقلاعي مميز
 
الصورة الرمزية الخاصة بـ Silent pain
Silent pain فوق  هام السحبSilent pain فوق  هام السحبSilent pain فوق  هام السحبSilent pain فوق  هام السحبSilent pain فوق  هام السحبSilent pain فوق  هام السحبSilent pain فوق  هام السحبSilent pain فوق  هام السحبSilent pain فوق  هام السحبSilent pain فوق  هام السحبSilent pain فوق  هام السحب
اللحينن مهب تقول انك كل ثلاث اسابيع تشوفها وشلون لعبوا عليك .. والا كان الشيبه يدخل الصغيره مكان اختها :|

الله لايكثر من امثاله شايب بليس كانه دمر نفسية الضعيفه الكبيرة واستخدم هالصغيره دمية تمثيل <<<صدقت الوضع



 

 

Silent pain غير متواجد حالياً
Facebook Twitter 0
قديم 30-05-2010, 10:12 PM   #5
زغيلة بو تفليقة
عضو نشيط
 
الصورة الرمزية الخاصة بـ زغيلة بو تفليقة
زغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصفزغيلة بو تفليقة السمعة فوق الوصف
هههههههههههههههههههه
لالا هذا مو انا
هذي سالفة واحد من العيال
ولا انا توني على الزواج
اما انا
لو يطلق الشايب زوجته ويقول اعرس عليها ما عندي مشكله
اقول امير المملكه
ماعند خالتك بنتن ثانيه



 

 

زغيلة بو تفليقة غير متواجد حالياً
Facebook Twitter 0
قديم 30-05-2010, 10:15 PM   #6
Tears Female
عضو فعال
 
الصورة الرمزية الخاصة بـ Tears Female
Tears Female فوق  هام السحبTears Female فوق  هام السحبTears Female فوق  هام السحبTears Female فوق  هام السحبTears Female فوق  هام السحبTears Female فوق  هام السحبTears Female فوق  هام السحبTears Female فوق  هام السحبTears Female فوق  هام السحبTears Female فوق  هام السحبTears Female فوق  هام السحب
خخخخخخ

طيب كآن سلللكت لهم وخذتهآ ..

يمكنهآ آزين من آلصغيره ..

ولآ كآن رقيت فوق سطح آلقآعه وقلت جيبوآ لي آلصغيره ولآ بنتحر < مسوي حبّيب


آلله يعوضك بدآلهآ ..

بس آلمره آلجآيه آخطب وحده شآيبهآ متووفي

عشآن تفتك مره وحده

,,

رآعي آلتضآريس ..

آهنييييييييك

تضآريس آجل



 

 

Tears Female غير متواجد حالياً
Facebook Twitter 0
قديم 30-05-2010, 10:17 PM   #7
بس ..!
مستجد
 
الصورة الرمزية الخاصة بـ بس ..!
بس ..! فوق  هام السحببس ..! فوق  هام السحببس ..! فوق  هام السحببس ..! فوق  هام السحببس ..! فوق  هام السحببس ..! فوق  هام السحببس ..! فوق  هام السحببس ..! فوق  هام السحببس ..! فوق  هام السحببس ..! فوق  هام السحببس ..! فوق  هام السحب
طبعاً خويك اعرس على الصغيره . خل الورق على جنب العمده على النيه انما الاعمال بالنيات ولكل امري ما نوى
شايب بليس ذا وش ذنب بنياته الكبيره مطلقه ورق والصغيره الله اعلم بقليبه

ليته على بنت عمه .



 

 


اخر تعديل كان بواسطة » بس ..! في يوم » 30-05-2010 عند الساعة » 10:20 PM.
بس ..! غير متواجد حالياً
Facebook Twitter 0
قديم 30-05-2010, 10:22 PM   #8
انثـى الخيآل
من كبار شخصيات الإقلاع
انثـى الخيآل فوق  هام السحبانثـى الخيآل فوق  هام السحبانثـى الخيآل فوق  هام السحبانثـى الخيآل فوق  هام السحبانثـى الخيآل فوق  هام السحبانثـى الخيآل فوق  هام السحبانثـى الخيآل فوق  هام السحبانثـى الخيآل فوق  هام السحبانثـى الخيآل فوق  هام السحبانثـى الخيآل فوق  هام السحبانثـى الخيآل فوق  هام السحب
هههههههههههههههههههههههه


وش وش..؟ ياربي دخيـلك .. الله يخلف بس هههههههههههههههه

من جـد فيه نآس كذا ,,؟؟



 

 

انثـى الخيآل غير متواجد حالياً
Facebook Twitter 0
قديم 30-05-2010, 10:25 PM   #9
ضحيه صمتها
عضو رسمي
 
الصورة الرمزية الخاصة بـ ضحيه صمتها
ضحيه صمتها فوق  هام السحبضحيه صمتها فوق  هام السحبضحيه صمتها فوق  هام السحبضحيه صمتها فوق  هام السحبضحيه صمتها فوق  هام السحبضحيه صمتها فوق  هام السحبضحيه صمتها فوق  هام السحبضحيه صمتها فوق  هام السحبضحيه صمتها فوق  هام السحبضحيه صمتها فوق  هام السحبضحيه صمتها فوق  هام السحب
وانت بعد ماتعرف الاسامي يوم قبلت فيها
الله يصلحك
وشلون تقول قبلت فلانه اهلك ماقالو لك اسمها
ولامخبص

حاااااول انت تخطبها مرتن اخرى



 

 

ضحيه صمتها غير متواجد حالياً
Facebook Twitter 0
قديم 30-05-2010, 10:26 PM   #10
nee2009noo
عضو رسمي
 
الصورة الرمزية الخاصة بـ nee2009noo
nee2009noo فوق  هام السحبnee2009noo فوق  هام السحبnee2009noo فوق  هام السحبnee2009noo فوق  هام السحبnee2009noo فوق  هام السحبnee2009noo فوق  هام السحبnee2009noo فوق  هام السحبnee2009noo فوق  هام السحبnee2009noo فوق  هام السحبnee2009noo فوق  هام السحبnee2009noo فوق  هام السحب

يالله من جد انقهرت

حسبي الله على الشايب

<< ضاق صدري جد

ما احب القصص الحزينه تقطع قلبي<< اوووم الاحساس بس




 

 

nee2009noo غير متواجد حالياً
Facebook Twitter 0
إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع

مواضيع ذات صلة
الموضوع الكاتب القسم المشاركات المشاركة الأخيرة
● Dbsk, Tvxq, Thsk Club 2010 ● ميني البوم جديد لــ JYJ وحنا بإنتظاره ^^ الفن الآسيوي Asian Music 1120 10-08-2010 02:01 AM
ادوّرك مـا بـْيـنّ ذولا و ذولاكّ , ‏ صارتْ وجيه الناسّ عنديْ تشابـهۦ . . * ‏ NamasTe Bollywood World 55 23-05-2010 01:07 AM
[ Prime 13 ] .‬✿‫. [ ‬♪♫ . . Star Academy 7 ‬. . ♫♪ ‫]‬ المنتدى الفني المنتدى الفني 5290 16-05-2010 12:13 AM


الوقت المعتمد في المنتدى بتوقيت جرينتش +3.
الوقت الان » 11:31 AM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2020, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017