منتديات شبكة الإقلاع ®


الصفحة الرئيسية البحث انظمة شبكة الإقلاع سوق الاقلاع عضويات التميز (الذهبية والفضية والتجارية) جوال الإقلاع حمل صورك من هنا من خلال فتح موضوع خاص بك
بوابة الأنباء ieqla3 اختصر روابطك من هنا البرامج اعلن معنا حساب الشبكة في موقع تويتر اعلن معنا
العودة   منتديات شبكة الإقلاع ® > المنتديات الاكاديمية والثقافية > منتدى ابناؤنا في الخارج > منتدى استفسارات المغتربين والمبتعثين
التسجيل التقويم التأشير على جميع الاقسام بالمشاهدة




إضافة رد
 
أدوات الموضوع طريقة عرض الموضوع
قديم 06-08-2019, 10:59 PM   #1
sadpianoplaying
مستجد
sadpianoplaying تقييمه فيه تقدم
ابي ابتعث لكن عندي اسئلة كثير، ممكن تدخل وتساعدني يمكن عندك أجوبة لها

السلام عليكم ورحمة الله وبركاته
انا طالبة جامعية الحين داخلة عالسنة الثانيه وحلمي من الطفولة ابتعث، بس فيني صفة كريهة وهي خوفي دايم من ان امالي تخيب فما قدمت عليه اول ماتخرجت من الثانوي سنة ٢٠١٨، لدرجة بعد ما انهيت التحضيري بامتياز ظلمت نفسي بالتخصصات لاني حطيت اقل شيء ممكن ادخله اول رغبة خوفًا من خيبة الأمل، بالرغم من اني انقبلت فالصيدلة والعلوم الطبية التطبيقية وطب الاسنان، بس بعد ماخليت اول رغبة ماهي رغبتي الصدقية
ماعلينا، الحين بدأت افكر اقدم عالابتعاث، بس ماني فاهمه فيه اشياء كثير على الرغم من اني قرأت تجارب ناس كثير وكذا بس ماقد احد فادني صدق
انا تخرجت بمعدل تراكمي علمي ٩٤.٦٩ وتحصيلي ٩٣ وقدرات ٨٤، في أمل انه اقدر ابتعث ولا نسبي ماهي كويسة؟ لان اسمع كثير يهولون انه مره يقبلون عالي وصرت خايفه مانقبل واتأمل عالفاضي كعادتي
غير كذا شفت انه لبكالوريوس الطب لازم الايلتس خمسه وفوق وانا جبت بالايلتس سته عشان ابي اعادل الانقلش بالجامعة فهل لي فرصة في ابتعاث الطب ولا ابعد عنه لان نسبي برضه ماتأهلني؟
وموضوع قبول الجامعات مؤرقني مره، على كثر مابحثت فيه على كثر ما استصعبته، بنسبي هذي في أمل اي جامعة سواء بامريكا ببريطانيا بفرنسا بقلعة واد رين تقبلني؟
والحين بالابتعاث الجديد اللي هو بعثتك وظيفتك اقدر انا اختار الدولة ولا الجهة الوظيفية تحددها وانا بعدها اقوم ادور قبول بنفس الدولة المحددة؟
ولما اجيب قبول الجامعة اصير اوريدي منقبلة بالتخصص ولا برضه في سنة تحضيرية وعلى اساسها بدخل التخصص؟
وهل في مبالغ احتاج ادفعها هنا قبل لا اطلع بعثة؟ وحوالي كم التكلفة؟
وبخصوص اللغة والمعاهد مافهمت هالموضوع زين، الحين لما ابتعث اروح ادرس لغة ولا امشي عالجامعة، واذا لازم لغة لازم برضه اجيب قبول من معهد معين وادرس فيه وبرضه قبول من الجامعة؟ واذا اصلًا لغتي كويسة هل في فرصة الغي سنة دراسة اللغة ذي؟ وكيف؟
مادري صراحة محتارة كثير وخايفة ابدا اشتغل وابحث فشيء مالي نصيب فيه وهذا اكثر شي اخاف منه بالدنيا.
بس ابي احد يقلي اذا نسبي تأهلني للدخول بالابتعاث ولا انثبر بمكاني احسن
وشكرًا مره مره لكل احد دخل وقرأ
يسعدكم ربي وفأمان الله



 

 

sadpianoplaying غير متواجد حالياً
Facebook Twitter 0 اضافة رد مع اقتباس
قديم 02-09-2019, 08:06 PM   #2
Clara!
مستجد
 
الصورة الرمزية الخاصة بـ Clara!
Clara! فوق  هام السحبClara! فوق  هام السحبClara! فوق  هام السحبClara! فوق  هام السحبClara! فوق  هام السحبClara! فوق  هام السحبClara! فوق  هام السحبClara! فوق  هام السحبClara! فوق  هام السحبClara! فوق  هام السحبClara! فوق  هام السحب
رد : ابي ابتعث لكن عندي اسئلة كثير، ممكن تدخل وتساعدني يمكن عندك أجوبة لها

وعليكم السلام ورحمة الله وبركاته
بجاوب باللي أعرفه لأني زيك نيتي أبتعث على خير يارب، أول شيء برنامج وظيفتك بعثتك
المرحلة 14 واللي راح يفتح بالفترة الجاية الأغلب يتوقع ان مافيه طب لأن فيه برنامج طبي جديد
فتح قبل شهرين وكان يبتعث خريجي الثانوي لدراسة الطب لثلاث دول (بريطانيا،ايرلندا،البحرين)
والبرنامج قفل، فإنت اصبري لين يفتح وظيفتك بعثتك المرحلة 14 وشوفي اذا فيه طب ولا لا
اذا مافيه طب انتظري لين يرجع يفتح البرنامج الطبي اللي ذكرته فوق من جديد، أما بالنسبة لدرجاتك
فتراها جدًا كويسة ماشاءالله وفوق المطلوب يعني صدق انتِ ماعندك شيء تخسرينه اذا قدمتي
يعني عن نفسي أشوف انك تقدمين وتدعين ربي ييسرلك اللي فيه الخير أحسن من انك تندمين
بعدين على انك ماخاطرتي بشيء، أيًا كانت النتيجة.. ابتعاث الطب ماله جهة وظيفية يعني
تبتعثين بدون عقد وظيفة ومافيه سنة لغة لا على طول تخشين السنة التحضيرية وهي اساسًا
يكون فيها الانجليزي مكثف فلا تشيلين هم من هالناحية، وبالنسبة للجامعات ففي البرنامج الطبي اللي فتح
قبل شهرين كان الوضع انك ترفقين شهادتك ودرجة الآيلتس الخ.. وبعدها تختارين الدولة ولمّا تختارين الدولة
يجيبون لك الجامعات اللي السعودية متعاقدة معها يوفرون مقاعد للطلاب السعوديين وتختارين الجامعة
في هالبرنامج كان لازم اذا تبغين تبتعثين لبريطانيا ان تكون درجة الآيلتس عامة 6 وفي كل قسم ما تقل عن 6
أما ايرلندا فعامة الدرجة تكون 5.5 وماتقل في كل قسم عن 5، أما بالنسبة للتكاليف فإنتِ ماعليك شيء أبدًا + عمرك المفروض مايتجاوز الـ 22
وإيه لازم سنة تحضيرية،طبعًا كل كلامي اللي فوق عن البرنامج الطبي الجديد، أما وظيفتك بعثتك
فللآن محد يعرف اذا بيفتحون فيه ابتعاث طب لكن برضوا مافي أحد أكد هالشيء
أتمنى لك التوفيق من كل قلبي، إنتِ شجاعة لأنك فكرتي تتبعين حلمك حتى مع وجود
كل هالكلام السلبي حولنا، لا تخافين واستودعي الله أحلامك وتذكري انك ماراح تخسرين أي شيء من مجرد المحاولة
اذا تحتاجين أي مساعدة أو سؤال أنا موجودة هنا أو في الخاص
عاد انا زي ماقلتلك ناوية أبتعث بإذن الله فأعرف معاناة البحث كاملة عشان كذا بحاول
أساعدك قدر الإمكان.. اذا نسيت أجاوب على سؤال من اسئلتك ذكريني واذا فيه
شيء مو واضح في كلامي علميني بعد
الله يوفقنا جميعًا وييسر لنا اللي فيه الخير يارب



 

 


اخر تعديل كان بواسطة » Clara! في يوم » 02-09-2019 عند الساعة » 08:07 PM.
Clara! غير متواجد حالياً
Facebook Twitter 0 اضافة رد مع اقتباس
إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع


الوقت المعتمد في المنتدى بتوقيت جرينتش +3.
الوقت الان » 07:02 PM.

الأن حمل تطبيق منتديات الإقلاع
 

تنبيه : كل ما يطرح من مشاركات يمثل رأي كاتبه ولا يمثل رأي إدارة الموقع

ترقية وتطوير » تحميل دوت كوم
Powered by: vBulletin Version 3.8.11
Copyright ©1999 - 2019, Jelsoft Enterprises Ltd.
جميع الحقوق محفوظة منتديات الإقلاع - شبكة الإقلاع -1999-2017